08:00 Mamma slaap in spaarkamer om te kan rus terwyl Pappa na Louell heel aand gekyk het. Pappa is fodder, maar gelukkig.
09:00 Mamma en Pappa bad vir Louell en Louell piepie terwyl hy in die water is. Die straal is so sterk dat dit Pappa se been tref en tot in sy skoen af hardloop.
10:00 Mamma en Ouma eet by Blos. Louell se eerste uiteet. Hy slaap heeltyd en weet nie eers hy was daar nie.
11:00 Mamma en Ouma gaan Skin Pdh Olympus haarsalon toe vir `n was en blaas. Louell maak doek vuil en Mamma ruil doek in die wasstoel. Louell piepie sy klere nat, so Mamma moet klere ruil. Net toe die doek aan is, bollie Louell. Mamma het die babywipes vergeet, so ons gebruik watte.
12:00 Mamma en Ouma gaan na MamaMoo om borspompe te toets, maar hul het nie in voorraad nie. Pappa sal more na die fotosessie vir Mamma `n Spectra S1 in Springs gaan koop.
Pappa stuur heeldag boodskappe om te hoor hoe dit met Louell gaan. Pappa het sy boot se oortreksel laat maak.
14:30 Ouma ruil Louell se doek vir die eerste keer. Ouma is gewoond aan lap doeke en sukkel so bietjie met die weggooi doek, maar kom reg. Nat doek is af en Mamma waarsku dat Louell gevaarlik is met die piepie en volgende oomblik piepie hy sy tweede stel klere vir die dag nat. Doek aan en hy maak `n bollie. `n Grote. Ouma maak skoon en toe piepie hy weer oor homself. Ouma voel sleg, en Mamma lag. Doek amper aan en hy begin weer bollie. Mamma lag harder. Uiteindelik kry Ouma `n skoon doek aan. Sy voer vir Louell is skoon nat gesweet van die gestoei.
17:00 Oom James en Tannie Gerzan kom kuier vir Louell. Hulle bring vir Mamma `n pers orchidee as geskenk.
19:00 Oom Jacques en Tannie Bianca kom kuier saam met Mianique. Dit is te oulik hoe Mianique vir haar nefie kyk. Sy kyk ook heeltyd vir die kamera, `n regte model. Hulle bring vir Louell `n pragtige Bybel vir seuntjies.
20:30 Louell is al `n hele paar ure wakker, maar stroopsoet. Mamma en Louell gaan le op die bed waar Mamma vir Louell A Thousand Years sing en haar grootoog dophou.
Comentários